Qostanaıda bank menedjeri alaıaqtyń arbaýyna túsken zeınetkerge kómektesti
Zeınetker óz atyna úlken kólemde nesıe berýdi surap, bank bólimshesine júgingen. Bank menedjeri qaryz somasyn eseptep, banktiń 1,5 mln teńge kóleminde nesıeni maquldaǵanyn habarlady. Zeınetker áıel telefon arqyly belgisiz adamdarǵa banktiń qansha somany bergenin aıtty. Ony baıqaǵan bank menedjeri klıentten ne sebepti nesıe alyp jatqanyn suraǵan kezde zeınetker qandaı da bir aqparatty berýden bas tartqan. Sodan keıin bank qyzmetkeri bul týraly qaýipsizdik qyzmeti pen polıtsııaǵa habarlady.
Tekseris barysynda zeınetker aqshany alaıaqtarǵa jibermek bolǵan. Olar áıelge Reseıde turatyn qyzynyń aýrýhanada aýyr jaǵdaıda ekenin habarlaǵan. Aqshany berý úshin kelisilgen kezdesý barysynda polıtsııa qyzmetkerleri 20 jastaǵy jaldamaly alaıaqty sol jerde ustady. Belgili bolǵandaı, jas jigit Telegram arqyly jumys izdegen. Oǵan jalaqysy kúnine 50-den 100 myń teńge bolatyn osyndaı «jeńil» tabys túrin usynǵan alaıaqtar baılanysqa shyqqan.
«Mundaı strestik jaǵdaıda birinshi kezekte aqsha izdeý kerek boldy. Men tipti qyzyma qońyraý shalýdy oılamadym, óıtkeni men qatty tolqyp kettim. Biraq qyzmetkerlerdiń qyraǵylyǵynyń arqasynda alaıaqtardyń arbaýyna túspedim. Sol úshin maǵan osy jaǵdaıda kómekteskenderdiń barlyǵyna rızamyn», – dep atap ótti zeınetker.
Qostanaı oblysynyń Polıtsııa departamenti azamattarǵa saq bolýdy eskertedi. Alaıaqtar jańa shemalardy oılap tabýyp jatyr. Sonymen qatar eski «telefon» ádisterin de qoldanyp jatyr.