Qostanaıda balalar aýrýhanasyn jóndemegen merdigerge 921 mln teńgeni sebepsiz aýdarǵan

<p>QOSTANAI. KAZINFORM — Qostanaı oblysynyń prokýratýrasy tekserý komıssııasymen birlesip oblystyq balalar aýrýhanasynyń ǵımaratyn kúrdeli jóndeýge bólingen bıýdjet qarajatyna tekserý júrgizdi.</p>

2020 jylǵy 21 shildede «Qostanaı oblystyq balalar aýrýhanasy» KMK tapsyrys berýshisi men «Vershına» JShS merdigeri arasynda 1,2 mlrd teńge somasyna ǵımaratty kúrdeli jóndeýge shart jasaldy.

Aldaǵy ýaqytta merdigerdiń atyna 921 mln teńge aýdaryldy, alaıda jumys aıaqtalǵan joq, jasalǵan shart buzyldy.

Tekserý kórsetkendeı, «Vershına» JShS-na aqshalaı qarajattyń bir bóligi jóndeý jumysyn oryndaǵanyn rastaıtyn qujatsyz negizsiz aýdarylǵan.

Osy fakti boıynsha oblys prokýratýrasy Qylmystyq kodekstiń 361-baby (laýazymdyq ókilettigin teris paıdalaný) boıynsha sotqa deıingi tergeý bastady.