Qostanaıda baǵany qymbattatpaý úshin kókónis qoımalary salynady

ASTANA. QazAqparat – 2023-2024 jyldary Qostanaı oblysynda kókónis saqtaıtyn úsh qoıma salynady. Bul týraly aımaq ákimi Qumar Aqsaqalov aıtty, dep habarlaıdy QazAqparat tilshisi.

Ákim atap ótkendeı, búginde Qostanaı oblysy shamamen 182 myń tonna kartop, 15 myń tonna sábiz, 15 myń tonna qyryqqabat, 3,4 myń tonna pııaz óndiriledi.

«Biz kartopty jetkilikti mólsherde ósiremiz, ózimizdi jáne basqa aımaqtardy osy ónimmen qamtamasyz etemiz. Biraq ony qysqy ýaqytqa saqtaı almaı otyrmyz. Jalpy saqtaý syıymdylyǵy 82 myń tonna bolatyn 62 kókónis qoımasynyń tek úsheýinde 6 myń tonna ónimdi kelesi eginge deıin saqtaıtyn tıisti jabdyqtar bar», - dedi Q. Aqsaqalov Ortalyq kommýnıkatsııalar qyzmetinde ótken baspasóz máslıhatynda.

Bul úshin óńir ákimi jemis-kókónis ónimderin saqtaý máselesi sheshiletinin atap ótti.

«Bıyl 6 myń tonnaǵa kartop qoımasyn paıdalanýǵa berý josparlanǵan, 2024 jyly árqaısysy 4 myń tonnadan 2 kartop qoımasyn salý josparlanǵan. Olardyń barlyǵy zamanaýı klımattyq baqylaý júıelerimen jabdyqtalatyn bolady.

Búgin Qostanaı oblysynyń ákimi Qumar Aqsaqalov elordada aıdaǵy áleýmettik-ekonomıkalyq damý jóninde esep berýde.