Qostanaıda áıelin óltirgen burynǵy polıtsııa qyzmetkeri 9 jylǵa sottaldy

<p>QOSTANAI. KAZINFORM &ndash; Іs qylmystyq ister jónindegi mamandandyrylǵan sotta qaraldy.&nbsp;</p>

Cottalýshy – polıtsııa basqarmasy patrýldik polıtsııa batalonynyń burynǵy ınspektory. 

Qaıǵyly oqıǵa ótken jyldyń qarashasynda boldy. Qostanaı aýdanynda jer úıdiń aýlasynan áıeldiń máıiti tabyldy. Іs materıaldary boıynsha erli-zaıyptylar arasynda janjal týyndap, er adam áıelin elektr symymen tunshyqtyryp óltirgeni anyqtaldy. 

Qylmysty jasyrý úshin áıeldiń denesin garajǵa aparyp, ony óz-ózine qol jumsaǵan etip kórsetkisi kelgen. 

Sot-medıtsınalyq saraptamanyń qorytyndysyna sáıkes, jábirlenýshiniń ólimi moıynnyń qysylýynan, ıaǵnı mehanıkalyq asfıksııa saldarynan bolǵan. 

Sottalýshy óz kinásin moıyndap, ókinishin bildirdi.

Sot er adamdy áıelin óltirgeni úshin kináli dep taýyp, 9 jylǵa bas bostandyǵynan aıyrý jazasyn shyǵardy. Sottalýshy «polıtsııa aǵa leıtenanty» arnaıy ataǵynan aıyryldy. 

Úkim zańdy kúshine engen joq.