Qostanaıda avtobýs jolaqysyn ósirý máselesi kóterilip jatyr
«Bul - halyqtyń túrli toptarynyń múddesin qarastyryp otyrǵandyqtan, óte mańyzdy taqyryp. Biz sonyń ishinde memlekettik organdarmen ózara árekettestikte bolatyn bıznestiń qorǵalýyna jaýaptymyz. Jolaýshylardy avtobýspen tasymaldaý salasy máselelerin talaı qaradyq. Biz olardy bilemiz, bul - sheshiletin problemalar», - dep atap ótti Qostanaı oblysy kásipkerler palatasy aımaqtyq keńesiniń kólik máseleleri jónindegi komıteti dırektory Danııar Kúzenbaev.
Keńes barysynda tasymaldaýshylardyń múddesin Qostanaı oblysy jolaýshylar kóligi kásiporyndar qaýymdastyǵynyń prezıdenti Alekseı Boıchenko, JK «Brýner A.V» ókili - Aleksandr Volkýn, «Jaryq-jol» JShS atynan Vıktor Mýşınskıı qorǵady.
«Qazirgi kezde dızel otyny 30 paıyz qymbattaǵan. Jolaýshylardyń áleýmettik mańyzy bar tasymalyn júzege asyrýmen baılanysty bıýdjettik qarajat esebinen sýbsıdııalaý erejelerinde tasymaldaýshylardyń naqty shyǵyndarynyń olarǵa táýeldi emes baǵa faktorlarynyń 10 paıyzdan astam ózgerýi jaǵdaıynda jolaýshylar jolaqysynyń quny túzetiletini jazylǵan», - dep atap ótti V.Mýşınskıı.
Osy arada, búkil qalalyq avtopark kezinde baǵasy eń arzan bolǵa dızeldik otynmen jumys isteýde. Tasymaldaýshylar búginde bólingen sýbsıdııalardyń shyǵyndardy óteýge jetpeıtinine nazalanýda. Olar tek júrgizýshilerdiń bıylǵy jyly kóterilgen jalaqysyn óteýge ǵana jetip otyr. Dızeldik otyn baǵasynyń kóterilýi bıznesti tek shyǵynǵa aparýda.
Osyǵan baılanysty tórt jyl boıy ózgerissiz qalyp otyrǵan jolaqy qunyn arttyrý máselesin qarastyrý qajettiligi týyndady.
Tasymaldaýshylar avtobýs parkteri jańartylmaı júrgeni, júrgizýshilerdiń jalaqysy az ekenin atap ótti.
Bul – tasymaldaýshylar tap bolǵan problemalardyń bir bóligi ǵana. Pandemııa kezinde park óz jumysyn jarty jylǵa toqtatyp qoıǵan.
Aldaǵy ýqytta tarıftik komıssııanyń otyrysy ótkizilip, qoıylǵan máselelerdiń barlyǵy jan jaqty qarastyrylady.