Qostanaıda avtobýs jaıaý júrginshini qaǵyp ketti
12:54, 09 Naýryz 2020
QOSTANAI. QazAqparat – Qostanaı oblysynda avtobýs jaıaý júrginshini qaǵyp ketti, dep habarlaıdy QazAqparat.
Oqıǵa Qostanaı qalasynyń Maıakovskıı kóshesinde boldy. 41 jastaǵy áıel jaıaý júrginshiler jolaǵynan ótip bara jatqan.
«42 jastaǵy avtobýs júrgizýshisi áıeldi basyp ketti. Jol-kólik oqıǵasy saldarynan jábirlenýshi dene jaraqattarymen emhanaǵa tústi. Ambýlatorııalyq emdeý sharalary belgilendi. Júrgizýshi mas kúıinde bolmaǵan», - dedi polıtsııanyń baspasóz qyzmetindegiler.
Osy fakti boıynsha QR Ákimshilik quqyq buzýshylyq týraly kodekstiń 610-baby 2-tarmaǵymen ákimshilik hattama toltyryldy. Іs júrgizý sheshimi sot-medıtsınalyq saraptama nátıjesinen keıin qabyldanady.