Qostanaıda Aýyl sharýashylyǵy mınıstrliginiń eks-sheneýnigi para alǵany úshin sottaldy

<p>ASTANA.KAZINFORM &mdash; Qostanaı qalasynyń № 2 sotynda Qazaqstan Respýblıkasy Aýyl sharýashylyǵy mınıstrligi Komıtetiniń tóraǵasyna qatysty qylmystyq is qaraldy. Sheneýnikke jergilikti JShS dırektorynan para aldy degen aıyp taǵyldy.</p>

Komıtet basshysyna qatysty tergeýdiń aıaqtalǵany 2024 jyldyń qarashasynda belgili boldy — oǵan Qostanaı JShS dırektorynan jalpy somasy 4,4 mıllıon teńge para aldy degen aıyp taǵyldy.

Іs materıaldaryna sáıkes, jaýapker 2024 jyldyń maýsym aıynda kireberiste JShS dırektorynyń óz qyzmetkeri arqyly aýdarǵan 2 mıllıon teńgesin, keıin tamyz aıynda kafede otyryp, qalǵan somany alǵan. Kásiporyn dırektorynyń ózinen 2,4 mln.teńge kóleminde para alǵan. Para arqyly 78 mıllıon teńgeden astam somaǵa pestıtsıdterdi bir kózden satyp alý máselesi sheshildi.

— Sotqa deıingi tergep-tekserý barysynda kúdiktiler óz kinálaryn tolyq moıyndap, ókinish bildirdi, sondyqtan is sotqa deıingi jedeldetilgen tergep-tekserý hattamasymen sotqa joldandy, — dep túsindirdi oblystyq sottyń baspasóz qyzmeti.

Otyrys barysynda memlekettik aıyptaýshy: burynǵy tóraǵaǵa — 3,5 jyl merzimge bas bostandyǵynan aıyrý jazasyn taǵaıyndaýdy, 3,5 jyl merzimge, qaýipsizdigi ortasha túzeý mekemesinde óteýdi jáne ómir boıyna memlekettik qyzmet atqarý quqyǵynan aıyrýdy surady. Al kásiporyn dırektoryna — memlekettik qyzmette laýazymdardy atqarý quqyǵynan ómir boıyna aıyra otyryp, 3 jyl merzimge qaýipsizdigi ortasha qylmystyq-atqarý júıesi mekemelerinde óteýin talap etti.

Sottalýshylar óz kinálaryn tolyq moıyndady. Nátıjesinde sot memlekettik aıyptaýshynyń ótinishin qanaǵattandyrdy.

Tárkilengen para somasy memleket kirisine qaıtaryldy.

Úkim zańdy kúshine engen joq.