Qostanaıda 50 jańa avtobýs jolǵa shyqty

QOSTANAI. QazAqparat – Qostanaı avtobýs parki jańa jolaýshy avtobýstarymen tolyqty, dep habarlaıdy QazAqparat Qostanaı oblysy ákiminiń baspasóz qyzmetine silteme jasap.

«Tobyl» áleýmettik-kásipkerlik korporatsııasy» AQ «Saryarqa AvtoÓnerkásip» zaýyty shyǵarǵan LE60 modelindegi SAZ markaly tehnıkany satyp alyp, qazirgi tasymaldaýshylarǵa eskirgen kólik tehnıkasynyń ornyna jalǵa berildi. Jolaýshylar avtobýstary oblys ortalyǵynyń basym bóligine baǵyttaıtyn №18, 10, 13, 5, 27 qalalyq baǵdarlarymen júretin bolady», - dep habarlady Qostanaı oblysy ákiminiń baspasóz qyzmetinen.

SAZ jolaýshylar avtobýstarynyń soltústik Qazaqstan aımaǵynyń aýa raıy jaǵdaıynda beıimdelgeni atap ótilýde. Buǵan deıin qostanaılyq kólik tasymaldaýshylary SAZ avtobýstaryn qalalyq jaǵdaıda testilep, olarǵa oń baǵasyn bergen.

Eske sala ketsek, tamyz aıynda «Tobyl» ÁKK» AQ Qostanaı avtobýs parkin jańartyp, 50 jańa kólik satyp alýdy josparlap otyrǵany týraly habarlanǵan.