Qostanaıda 3 jasqa deıingi erekshe balalarǵa ońaltý ortalyǵy ashyldy
Jańa ortalyqtyń arqasynda jyl saıyn sal aýrýyna ushyraǵan, nevropatııa jáne basqa da patologııalary bar 3 jasqa deıingi 600 bala keshendi kómekke ıe bolyp, áli qalyptaspaǵan fýnktsııalar men daǵdylardy ıgere nemese damyta alady.
Jańa ortalyq qozǵalys daǵdylaryn damytýdyń zamanaýı tehnologııalarymen, arnaıy tehnıkalyq quraldarmen, trenajerlarmen, apparattyq-baǵdarlamalyq keshendermen jabdyqtalǵan.
Aıta keteıik, erte aralasý ortalyqtaryn ashý jobasy aıasynda «Samuryq-Qazyna» AQ kompanııalar tobynyń biryńǵaı qaıyrymdylyq operatory – «Samruk-Kazyna Trust» qory jáne «Qazaqstan halqyna» qory ortalyqty materıaldyq-tehnıkalyq jabdyqtaýdy qarjylandyrsa, «Qamqorlyq qory» qory barlyq jobany úılestirip, mamandardy oqytýdy qolǵa alǵan. Qostanaı oblysynyń ákimdigi bolsa, ınfraqurylymdy tańdaý jáne ǵımaratty jóndeýdi qarjylandyrý boıynsha jumys júrgizdi.
Búgingi tańda 16 erte aralasý ortalyǵy jumys istese, taǵy ortalyqtardy Qyzylorda, Pavlodar oblystarynda jáne Almaty qalasynda ashý josparlanýda. Jobany iske qosqannan beri 9 myńnan astam bala kómek alyp, olardyń 1178-i alǵashqy qadamyn jasady. Jalpy Qor qoldaýymen elimizde 38 ońaltý ortalyǵy ashylǵan.