Qostanaıda 2 aptada qos jasóspirimdi fýtbol qaqpasy basyp qaldy

QOSTANAI. QazAqparat – 16 jasar bala aýrýhanaǵa aýyr jaraqattarmen túsken. Dál osyndaı jaǵdaı 2 apta buryn da bolypty, dep habarlaıdy QazAqparat alau.kz-ke silteme jasap.

«Naýqastyń 12 eli ishegi úzilgen. Bul – sıpaty men emdelýi eń aýyr jaraqattardyń biri. Asqynýlar bolýy múmkin. Bala jansaqtaý bóliminde jatyr, oǵan ókpeni jasandy jeldetý apparaty qosylǵan. Ota jasaldy. Jaǵdaıy aýyr, biraq turaqtandy. Óz betimen demalýy úshin apparatty ajyratý boıynsha sheshim qabyldaımyz», - dedi oblystyq balalar aýrýhanasy hırýrgııalyq qyzmet sektorynyń meńgerýshisi Igor Belobrjıtskıı.

Oqıǵa 12 sáýir kúni bolǵan. Dárigerdiń aıtýynsha, aýrýhanaǵa osydan 2 apta buryn dál osyndaı oqıǵadan keıin Uzynkól aýdanynan 16 jasar bala túsken.

«Jasóspirimniń basyna fýtbol qaqpasy qulaǵan. Bas súıek-mı jaraqatymen tústi. Jaǵdaıy ortasha aýyr boldy. Qazir jazylyp keledi. Osydan 4 jyl buryn Qostanaıda ústine fýtbol qaqpasy qulaǵan bala kóz jumǵan edi. Endi mundaı jaǵdaılar qaıtalanbaıtyn shyǵar dep oılaǵanbyz. Ókinishke qaraı, másele áli de bar», - dedi dáriger.