Qostanaıda 13 jasar oqýshy qyz abaısyzda terezeden qulap ketti

QOSTANAI. QazAqparat - Qostanaıda mektep oqýshysy úıinde ata-anasy joq kezde tórtinshi qabattan qulaǵan, dep habarlaıdy QazAqparat.

Bul aqparatty Qostanaı oblysynyń polıtsııa departamenti rastady.

Vedomstvo málimetinshe, keshe, 27 mamyr kúni saǵat 11:00 shamasynda Shaıahmetov kóshesindegi №169 úıdiń tórtinshi qabatyndaǵy páterdiń terezesinen 13 jasar oqýshy qulap ketken.

Bul jaıynda polıtsııaǵa jaǵdaıǵa kýá bolǵan kórshiler habarlaǵan.

Olar sondaı-aq jedel járdem shaqyryp, qyzdyń ata-anasyna qońyraý shalady. Qyzdyń ákesi men sheshesi bul kezde jumysta bolatyn.

Mektep oqýshysy polıtsııanyń suraǵyna ádeıi emes, abaısyzda qulap ketkenin aıtyp túsindirdi.

Páterde sondaı-aq qyzdyń 9 jasar sińlisi men 2 jasar inisi bolǵan.

Qulaǵan qyz túrli synyqtarmen aýrýhanaǵa jetkizildi.

Vedomstvo jyl basynan beri oblys boıynsha osymen segizinshi bala terezeden qulap ketkenin málimdedi.

Polıtsııa ata-analardan balasyn qaraýsyz qaldyrmaýdy suraıdy.