Qostanaıda 120-dan astam úı kúzge deıin ystyq sýsyz otyrady

QOSTANAI. QazAqparat — Qostanaıdyń QJBI aýdanynda ystyq sýmen jabdyqtaýdy toqtatý jylý magıstrali ýchaskesin qaıta jańǵyrtý jumystaryna baılanysty, dep habarlaıdy QazAqparat tilshisi.

Qostanaı ákimdigine qarasty «Qostanaı jylý energetıka kompanııasy» MKK qala turǵyndaryna dıametri 700 mm TM-14 jylý magıstrali ýchaskesin qaıta jańǵyrtý jumystary bastalǵanyn habarlady.

«Osyǵan baılanysty qaladaǵy Abaı dańǵyly boıynda (General Arystanbekov kóshesi – Chkalov kóshesi shekarasy) turǵyn úılerdi (126 úı) ystyq sýmen jabdyqtaý 1 qyrkúıekten keıin qalpyna keletinin qaperińizge salamyz»,- dep habarlady kommýnaldyq kásiporyn.

Kompanııa baspasóz qyzmeti túsindirgendeı, arnaıy jumys apat sanyn azaıtý jáne qysqy kezeńde turǵyn úılerdi senimdi jylýmen qamtamasyz etý úshin júrgizilip jatyr.

Buǵan deıin Qostanaı oblysy aýdanynda aýyz sý berýge shekteý engizilgeni habarlanǵan bolatyn.