Qostanaıda 12 jasar qyz joǵalyp ketti
23:01, 10 Qazan 2020
QOSTANAI. QazAqparat – Qostanaıda 2008 jyly týǵan qyz joǵalyp ketti, dep habarlaıdy QazAqparat tilshisi.
Aqparatty oblystyq polıtsııa departamenti baspasóz qyzmeti taratty.
«Qostanaılyq polıtseıler 11.06.2008 jyly týǵan Gromyko Dıana Aleksandrovnaǵa izdeý saldy. Ol 9 qazan kúni saǵat 10.00-de úıinen shyǵyp ketip, oralmaǵan. Qazirgi ýaqytta oqýshy izdestirilýde, polıtsııanyń barlyq jasaqtary jumyldyryldy», - dedi polıtsııanyń baspasóz hatshysy Irına Bejenar.
12 jasar Dıana buǵan deıin de úıinen shyǵyp ketip, oralmaǵan. Polıtsııaǵa onyń anasy aryz jazdy. Joǵalyp ketken qyzdyń ústinde kók kýrtka, qara tústi aıaq kıim bolýy múmkin.