Qostanaıda 11 jastaǵy qyzdy kólik qaǵyp ketti

QOSTANAI. QazAqparat – Jol-kólik oqıǵasy búgin túste boldy. Mıy shaıqalǵan qyz aýrýhanaǵa jetkizildi, dep habarlaıdy QazAqparat tilshisi.

«Búgin 13:34-te Abaı-Volynov kósheleriniń qıylysynda 31 jastaǵy júrgizýshi «Lada» avtokóligimen kele jatyp, baǵdarsham janynda 11 jasar qyzdy qaǵyp ketti. Mıy shaıqalǵan qyz aýrýhanaǵa jetkizildi», - dep qysqasha túsindirdi polıtsııadan.

Vedomstvoda qyzdyń joldy baǵdarshamnyń jasyl túsine ótken-ótpegeni áli belgisiz ekeni aıtyldy.

«Oqıǵany túsirip alǵan kameranyń vıdeosynda baǵdarshamnyń túsi kórinbeıdi. Qazirgi kezde jol-kólik oqıǵasynyń mán-jaıy kýágerlerden suralyp jatyr»,-dedi polıtsııa.

Janna Musabaeva