«Qostanaı jylý energetıkalyq kompanııasy» basshysy 4 jylǵa sottaldy

ASTANA. QazAqparat - «Qostanaı jylý energetıkalyq kompanııasy» KMK dırektory Asqar Bekpaǵanbetov 4 jylǵa sottaldy, dep habarlaıdy QazAqparat Sybaılas jemqorlyq agenttigine silteme jasap.

«Qostanaı jylý energetıkalyq kompanııasy» KMK dırektory Asqar Bekpaǵanbetov 4 jylǵa sottaldy. Jáne oǵan memlekettik qyzmette jáne kvazımemlekettik sektorda qyzmet atqarýǵa ómir boıyna tyıym salyndy. Sonymen qatar «Teploenergomontajstroı» JShS kásiporyndarynyń basshylary Rústem Zınnatýllın men «AlataýStroı-2009» JShS Tólegen Turluǵulov memlekettik jáne kommertsııalyq uıymdarda basshy laýazymdardy atqarý quqyǵynan aıyra otyryp, 2 jylǵa bas bostandyǵynan aıyryldy», - delingen Agenttik habarlamasynda.

«Qostanaı jylý energetıkalyq kompanııasy» KMK dırektory A. Bekpaǵanbetov laýazymdyq ókilettikterin asyra paıdalana otyryp, gazmazýt janarǵylaryn jetkizýge «KosDınKom» JShS-men buryn jasalǵan shartty zańsyz buzǵan. Sonymen qatar «Teploenergomontajstroı» JShS jáne «Alataýstroı-2009» JShS-men onyń baqylaýyndaǵy kompanııalarmen jabdyqtardy Qostanaı JEO-na joǵary baǵamen jetkizýge jáne montajdaýǵa basqa shart jasasyp, memleketke 15 mln teńge kóleminde zalal keltirdi.

Úkim zańdy kúshine endi.