Qostanaı: «Jeńis - ómir súrip jatqandar úshin!» uranymen parad ótti
Saltanatty sharanyń resmı bóligi ortalyq alańdaǵy oblystyq ákimdiktiń qasynda bastaldy. Munda «Jeńis - ómir súrip jatqandar úshin!» degen uranmen parad bolyp ótti.
Sodan keıin paradqa qatysýshylardyń tizbekteri Jeńis saıabaǵyna deıin júrdi. Jerles jaýyngerlerge arnalǵan eskertkishtiń qasynan áskerı jáne polıtsııa qyzmetkerleri saltanatty marshpen ótti. Soǵysqa qaza tapqandardyń qurmetine óleńder men ánder oryndaldy. Eskertkishtiń qasyna myńdaǵan qostanaılyqtar kelip, olardy únsizdik mınýtymen eske aldy.
Eskertkishke gúl shoqtaryn oblys ákimi N.Sádýaqasov pen Qostanaı ákimi Ǵ.Nurmuhambetov, ardagerler keńesiniń tóraǵalary K.Ýkın men M. Podolıakov qoıdy.
Saltanatty sharaǵa qatysýshylar qostanaılyq batyrlardyń eskertkishin gúlderge toltyrdy. Odan keıin saıabaq aýmaǵynda olardyń barlyǵy tegin as - sarbazdar botqasynan dám tatty. Ta osy sátte saıabaqta úlken merekelik kontserttik baǵdarlama bastaldy.
Tústen keıin merekelik shara qostanaılyq Sıtı-ortalyqqa kóshti. Onda qalalyqtardy úrmeli orkestrdiń qatysýymen bı baǵdarlamasy, kontserttik baǵdarlamalar kútýde. Qostanaıdaǵy Jeńis kúni merekelik otshashýmen aıaqtalady.