Qostanaı jáne Mańǵystaý oblystarynda azyq-túlik baǵasy shekteldi
Keshendi jospardy iske asyrý halyqtyń naqty kiristeriniń ortasha jyldyq ósý qarqynyna 4-5% deńgeıinde jáne 2 mln. astam jumys oryndaryn qurýǵa alyp keledi dep josparlanýda.
Saýda jáne ıntegratsııa mınıstrligi halyq úshin qolaıly baǵalar boıynsha taýarlardyń naqty qoljetimdiligin qamtamasyz etý boıynsha sharalar qabyldaýda. Ádil baǵa óz kezeginde halyqtyń tabysyna oń áser etedi.
Máselen, keshendi jospar is-sharalarynyń biri shekti baǵalardy engizý bolyp tabylady jáne halyq tabysynyń satyp alý qabiletin qorǵaýǵa baǵyttalǵan.
Búgingi kúni shekti ruqsat etilgen bólshek saýda baǵalary 2 óńirdiń aýmaǵynda qoldanylady:
1) Qostanaı oblysynda-taýyq etine kúntizbelik 30 kúnge kılogramm úshin 943 teńge mólsherinde;
2) Mańǵystaý oblysynda - qyryqqabatqa kılogramm úshin 255,5 teńge mólsherinde, sary maıǵa - kılogramm úshin 3744,5 teńge mólsherinde jáne jumyrtqaǵa - kúntizbelik 90 kúnge ondaǵan úshin 416 teńge mólsherinde tólenedi.
Sondaı-aq iri óndirýshiler men saýda jelileri arasynda áleýmettik mańyzy bar azyq-túlik taýarlarynyń (kúnbaǵys maıy, qant, qaraqumyq jarmasy, jumyrtqa jáne t.b.) baǵalaryn tómendetý jáne ustap turý týraly kelisimder jasalady.
Ákimdikterdiń derekterine sáıkes barlyǵy 16 072 kelisim (memorandým) jasaldy, áleýmettik mańyzy bar azyq-túlik taýarlarynyń 1 788 óndirýshisimen jáne 14 284 saýda obektisimen kelisimder jasaldy.
Sondaı-aq, tabys deńgeıin arttyrýdy qamtamasyz etetin júıeli sharalardyń biri eksporttyq jetkizilimderdi memlekettik qoldaý esebinen óndiriletin ónim kólemin ulǵaıtý bolyp tabylady.
Óńdeýshi ónerkásiptiń eksportqa baǵdarlanǵan jobalaryn qarjylandyrý «Qazaqstannyń Damý Banki» AQ jáne «Damý «kásipkerlikti damytý qory«AQ jelisi boıynsha 220 mlrd.teńge somasyna bólingen qaıtarymdy qarajat esebinen júzege asyrylady.
2022 jyldyń 5 aıynda barlyǵy 49,2 mlrd. teńge somasyna 52 jobaǵa qoldaý kórsetildi.