Qostanaı turǵyny ishinde mıllıon teńgesi bar sómkesin avtobýsta qaldyryp ketken

QOSTANAI. QazAqparat – Qostanaıdyń patrýldik polıtsııa qyzmetkerleri aýyl turǵynynyń sómkesin qaıtaryp berdi, dep habarlaıdy QazAqparat Qostanaı oblysy Polıtsııa departamentiniń baspasóz qyzmetine silteme jasap.

Qostanaı aýdanynyń Altyn dala aýylynyń turǵyny oblys ortalyǵynda avtobýsta ishinde mıllıon teńgesi bar sómkesin qaldyryp ketken.

«Baǵdat Ahmetov pen Medet Qoıshyǵulov 16 qazan kúni sol aýdanda qyzmette bolǵan. Qaıyrbekov-Qorǵan qıylysynda «KAMAZ» avtokóliginiń júrgizýshisi Kenjebek Kádıev olardan kómek suraǵan. Er adam áıeliniń habarlasyp, ishinde aqsha bar sómkeni avtobýsta qaldyryp ketkenin aıtyp bergen. Sómkeni qaldyryp ketkenin áıel tek úıine qaıtar jolda ǵana baıqaǵan. Ol polıtseılerge marshrýt nómirin aıtty. Birneshe mınýttyń ishinde polıtseıler avtobýs júrgizýshisin anyqtap, sońǵy aıaldamaǵa deıin jetken. Júrgizýshi sómkeni er adamǵa tapsyrdy», - dep túsindirdi vedomstvodan.

Kenjebek Kádıev tártip saqshylaryna jyldam kórsetilgen kómek úshin alǵys aıtty.