Qostanaı turǵyny 2 aýǵan azamatyn Qazaqstanǵa kirgizbek boldy

QOSTANAI. QazAqparat – Qostanaı oblysynda eki sheteldik memlekettik shekarany zańsyz kesip ótpek bolǵan, dep habarlaıdy QazAqparat tilshisi.

Qostanaı oblysy polıtsııa departamenti baspasóz qyzmetiniń aıtýynsha, «Ýchaske» jedel-aldyn alý sharasy aıasynda Qostanaı oblysynyń aýmaǵynda 1 qazan kúni polıtsııa qyzmetkerleri sheteldik azamattardyń zańsyz túrde QR memlekettik shekarasyn kesip ótýge daıyndalǵanyn anyqtady.

«Aqshalaı syıaqyǵa Islam Aýǵan Respýblıkasynyń eki azamatyn elimizdiń shekara aýdanyna jetkizýge kómektesken Qazaqstan azamaty anyqtaldy. Sheteldikterdiń bireýiniń azamattyǵyn rastaıtyn qujaty bolmaǵan.

Atalmysh fakti boıynsha QR azamatyna qatysty QR QK-niń 1-bólimi 394-babyna (zańsyz kóshi-qon uıymdastyrý) sáıkes qylmystyq is qozǵaldy», - dedi polıtsııadan.

Islam Aýǵan Respýblıkasynyń azamattaryna qatysty qazirgi kezde tekserý sharalary júrip jatyr.