Qostanaı turǵyndarynyń ákimshilik aıyppuldary 500 mıllıon teńgege jetken

QOSTANAI.QazAqparat – 2020 jyldyń 9 aıynda Qostanaı oblysynyń sot oryndaýshylary memleket kirisine 160 mıllıonnan astam teńge óndirip aldy, dep habarlaıdy QazAqparat.

Qostanaı turǵyndarynyń ákimshilik aıyppuldary 500 mıllıon teńgege jetken. Sot oryndaýshylarynyń óndirisinde 30 000-ǵa jýyq is qaralyp jatyr. Keıbir óńir turǵyndarynyń qaryzy birneshe jyldan asyp ketken.

«Qostanaı oblysynyń jeke sot oryndaýshylary ótken jyldyń qorytyndysyn shyǵarýda. Birneshe aı boıy karantındik shekteýler bolǵanyna qaramastan, aımaq turǵyndary ákimshilik aıyppuldar boıynsha qaryzdardy jınady. Qostanaılyqtardy aǵymdaǵy jyldyń sońyna deıin aisoip.adilet.gov.kz saıty arqyly boryshkerler reestrinen tekserip, qaryzdaryn joıýdy suraımyz. Esińizde bolsyn, ár ýaqtyly tólenbegen aıyppulǵa qaryz somasynyń 25% kóleminde sanktsııalar qoldanylady», - dep eskertedi Qostanaı oblysynyń jeke sot oryndaýshylary óńirlik palatasynyń basshysy Nesibeli Básenova.