Qostanaı tasjolynda úsh kólik soqtyǵysyp, bir adam mert boldy
11:46, 25 Aqpan 2022
QOSTANAI. QazAqparat – Keshe keshke «Qarabutaq-Qostanaı» avtojolynyń 233-shi shaqyrymynda iri jol apaty boldy, dep habarlaıdy QazAqparat tilshisi.
«Qamysty aýdanyndaǵy Bestóbe aýylynan 5 kılometr jerde 44 jastaǵy júrgizýshi «DAF» avtokóligimen Qostanaı qalasyna qaraı jol tartqan. Qozǵalys kezinde júk kóligi joldy bógep qaldy. Osy kezde 62 jastaǵy «Gaz» avtokóliginiń júrgizýshisi júk kóligin baıqamaı kelip soǵady. Al oǵan 53 jastaǵy júrgizýshi basqaryp otyrǵan «UAZ Pickup» avtokóligi kelip soqqan. Jol apatynyń saldarynan 62 jastaǵy júrgizýshi Qamysty aýdandyq ortalyq aýrýhanasynda dene jaraqattarynan kóz jumdy», - dep aqparat berdi polıtsııa departamentinen.
QR QK-niń 345-baby boıynsha sot aldy tergeý bastaldy.
Polıtsııa aýa raıynyń tez aýysyp otyrýymen baılanysty júrgizýshilerge jolda muqııat bolyp, jyldamdyq rejımin saqtap, qaýipsizdik erejelerin oryndap otyrýǵa shaqyrdy.