Qostanaı polıtsııasyna terrorlyq akt týraly habarlama tústi

QOSTANAI.QazAqparat – Qostanaı oblysy polıtsııa departamenti qyzmetkeriniń elektrondy poshtasyna avtovokzalǵa qoıylǵan «bomba» týraly habarlama tústi. Bul týraly jýrnalıstermen ótken brıfıngte oblystyq polıtsııa departamentin ekstremızmge qarsy is-qımyl basqarmasy bastyǵynyń orynbasary Erlan Sembın málim etti, dep habarlaıdy QazAqparat tilshisi.

«2021 jylǵy 1 aqpan kúni​ polıtsııa departamenti qyzmetkeriniń elektrondyq poshtasyna avtovokzal aýmaǵyna jarylǵysh zattyń qoıylǵany, terrorlyq akt týraly habarlama kelip tústi. Avtovokzal ǵımaratynan 40 adam evakýatsııalandy. Ǵımarat arnaıy mamandardyń kúshimen tekserildi, eshqandaı jarylǵysh zat tabylǵan joq», - dedi Erlan Sembın.

Eske salaıyq, osyǵan uqsas habarlama polıtsııa departamentine birneshe ret túsken.

​Qazir derekter boıynsha tergep-tekserý amaldary júrgizilýde. Erlan Sembın aıtqandaı, jalǵan aqparatty bir adam taratyp otyrýy múmkin.