Qostanaı polıtsııasy ınternet-alaıaqtardan saqtanýǵa shaqyrady

QOSTANAI. QazAqparat - 2018 jyly Qostanaı oblysynda ınternettegi alaıaqtyq is-árekettermen baılanysty 353 qylmys tirkelgen. Qylmystan kelgen shyǵyn somasy 2 myńnan bastap 10 mıllıon teńgege deıin, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Polıtsııada habarlanǵandaı, ınternettegi alaıaqtyq is-áreketterdiń eń kóp taraǵan túri - kópke tanymal Kolesa.kz, Krisha.kz, OLX.kz sııaqty saıttar arqyly júzege asady. Ásirese,turǵyndar atalǵan saıttardaǵy naryqtaǵy baǵadan tómen satylatyn taýarlar týraly habarlandyrýlarǵa kóp urynady. Onda jábirlenýshilerdiń kóbi alaıaqtyń shotyna elektrondyq tóleý quraldary arqyly aqsha aýdaryp, aldanyp qalady.

Departamenttiń aqparatyna súıensek, qazir Instagram áleýmettik jelisinde jalǵan akkaýnttardyń taratylý aınalymy artyp keledi. Olar qandaı da bir taýarlardy bólip satý, «1+1» aktsııasy boıynsha taýardyń tómendetilgen baǵasyn usynady. Sonymen qatar taýarǵa qosymsha syılyq berýge jáne tegin jetkizýge ýáde etedi.

Alaıaqtardyń belsendi jumys istep jatqandaryn jarnama saıttarynyń ıeleri de baıqap otyr. Ádette klıentterdi aldaǵysy keletin satýshy «shet elge kóship bara jatyrmyn» degen jeleýmen taýardy eki ese arzan baǵaǵa usynady. Habarlasqan barlyq klıentterge óziniń kartasyna kepilpul jiberýin suraıdy, aqshany alǵan soń ol zym-zııa joq bolady. Avtokólikterge tapsyrys bergen iri kásiporyndardy, shaǵyn kásipkerler bolsyn, osyndaı jolmen «laqtyryp» ketedi. Jábirlenýshilerdi aldap soqqan qylmyskerler ádette olarmen jeke túrde emes, áleýmettik jeliler nemese telefon arqyly baılanysqa shyǵady. Satyp alýlardy talqylaý kezinde qylmyskerler jalǵan qujattar, mekenjaı anyqtamalaryn paıdalanyp otyrady.

«Ǵalamtordaǵy alaıaqtardyń arbaýyna túspes úshin áleýmettik jelidegi kúmándi jarnamalarǵa nazar aýdarmaýǵa tyrysyńyz. Tegin ınternet-portaldary arqyly múlik saýdasyna, taýardy satyp alarda aldyn ala tólem jasamaý kerek. Bóten adamdarǵa aqsha aýdarýdan bas tartyńyz. Qostanaı oblysynyń polıtsııa departamenti azamattardy barynsha qyraǵy bolýǵa shaqyrady. Eger saýda-sattyqty ınternet arqyly satyp alý qajettiligi týyndasa, habarlandyrýdy muqııat zerdeleý, ony ornalastyrǵan tulǵa týraly aqparatty qaraý, basqa satyp alýshylardyń pikirlerin zerdeleý qajet. Sondaı-aq, qylmyskerler qosymsha eseptik jazbalardy paıdalana otyryp, ózi týraly oń pikir qaldyra alatynyn eskergen abzal. Budan basqa, alaıaqtar buryn azamattar joǵalǵan qujattardy paıdalanady», - deıdi polıtsııa departamentindegiler.