Qostanaı óńirindegi QR AShM mekemesiniń basshysy tergeýge alyndy
16:46, 12 Qarasha 2019
QOSTANAI. QazAqparat – QR Aýyl sharýashylyǵy mınıstrligi Memlekettik ınspektsııa komıtetiniń «Respýblıkalyq fıtosanıtarlyq jáne boljamdar ádistemelik ortalyǵy» RMM Qostanaı oblystyq fılıalynyń basshysy para aldy dep kúdiktelýde. QazAqparat bul týraly Jemqorlyqqa qarsy qyzmettiń baspasóz qyzmetine silteme jasap habarlaıdy.
Aqparatqa sáıkes, Qostanaı oblystyq sybaılas jemqorlyqqa qarsy qyzmet kúdikke ilingen basshynyń ústinen sotqa deıingi tergeý júrgizýde.
Ol qyzmetine salǵyrt qarap kelgen qaramaǵyndaǵy qyzmetkerge jalpy qamqorlyq kórsetpek bolyp, odan 130 myń teńge kóleminde para alǵan.
«Kúdikti qorǵaýshysynyń qatysýymen ótken jaýap alý protsedýrasynda óz kinásin tolyq moıyndap, kelý týraly mindettemeni aldy. Sotqa deıingi tergeý jalǵasýda. Onyń kinásiniń dárejesin anyqtaý arqyly túpkilikti sheshimdi sot shyǵaratyn bolady», - delingen Jemqorlyqqa qarsy qyzmettiń málimetinde.