Qostanaı oblysynyń turǵyny ekstremıstik materıaldardy saqtaǵany úshin sottaldy

QOSTANAI. QazAqparat — Internet resýrstarǵa monıtorıng júrgizý barysynda polıtsııa qyzmetkerleri Qostanaı aýdany Tobyl qalasynyń turǵyny dinı alaýyzdyqty týyndatý belgileri bar dinı mazmundaǵy materıaldardy («Vkontakte» áleýmettik jelisi) jarııalaǵanyn anyqtady, dep habarlaıdy QazAqparat polıtsııa departamentiniń baspasóz qyzmetine silteme jasap.

«Júrgizilgen saraptama qorytyndysy boıynsha Qostanaı aýdanynyń soty ákimshilik quqyq buzýshylyq týraly kodekstiń 453-baby 2-bóligi boıynsha 70 AEK kóleminde aıyppul túrinde jaýapkershilikke tartty», – dep habarlady vedomstvodan.

Jyl basynan beri dinı qatynastar salasynda barlyǵy 11 zań buzýshylyq anyqtaldy. Dinı jáne ekstremıstik mazmundaǵy materıaldardy zańsyz saqtaýdyń, taratýdyń, sondaı-aq jarǵydan tys dinı jáne qoǵamdyq birlestikterdiń qyzmetin júzege asyrýdyń 8 faktisi boıynsha oblys sottary jalpy somasy 1 mln teńgege jýyq aıyppul túrinde zań buzýshylardy jaýapkershilikke tartty.

Qostanaı oblysy PD ekstremızmge qarsy is-qımyl basqarmasy óńir turǵyndaryna kúmándi Internet-saıttar men toptardan alynǵan dinı mazmundaǵy materıaldardy saqtamaýdy jáne taratpaýdy suraıdy.