Qostanaı oblysynyń polıtseıleri 58 keliden astam marıhýanany tárkiledi

ASTANA. QazAqparat - «Qarasora 2023» jedel aldyn-alý sharasy sheńberinde Esirtki qylmysyna qarsy is-qımyl basqarmasynyń qyzmetkerleri Qostanaı oblysy aýmaǵynda esirtki taratýmen aınalysqan 11 adamdy ustaý boıynsha operatsııa júrgizdi, dep jazady polisia.kz saıty.

Polıtsııa 58 keliden astam marıhýanany tárkiledi. Mundaı iri partııanyń qara naryqtaǵy quny 9 mln teńgeden asady.

Esirtki jalǵa alynǵan garajda saqtalǵan. Sonymen qatar ózgelerge taratý úshin shaǵyn kólemde orama jasap otyrǵan.
- Qylmystyq top qatysýshylary 22 jastan 54 jasqa deıin. Qazirgi ýaqytta QR QІJK-niń 128-baby tártibinde 5 kúdikti ýaqytsha ustaý ızolıatoryna qamaýǵa alyndy. Qalǵandaryna qatysty eshqaıda ketpeý týraly qolhat berý túrindegi bultartpaý sharasy qabyldandy. QR QK 297-babynyń 3-bóligi boıynsha bastalǵan sotqa deıingi tergeý aıasynda qajetti tergeý áreketteri júrgizilýde, - dedi Esirtki qylmysyna qarsy is-qımyl basqarmasynyń bastyǵy Nurjan Ahmetov.