Qostanaı oblysynyń Nur-Sultanǵa shyǵar joly aqyly bolady

QOSTANAI. QazAqparat - Bıyl Qostanaı oblysynda alǵashqy aqyly jol paıda bolady, dep habarlaıdy QazAqparat «QazAvtoJol» UK» AQ oblystyq fılıalynyń dırektory Andreı Gorvatqa silteme jasap.

2021 jyly Qostanaı oblysynyń Nur-Sultan qalasyna ótetin joly aqyly bolady. Andreı Gorvattyń aıtýynsha, aqyly joldyń uzyndyǵy 422 shaqyrymǵa sozylǵan. Buǵan qosa Qostanaı oblysynyń Reseımen shektesetin Fedorov jáne Qarabalyq aýdandarynyń joldaryna da jolaqy júıesi engizilýi múmkin.

«Aqyly beketter jaqyn arada qoıylady. Mundaı shara respýblıkalyq bıýdjetke túsetin aýyrtpalyqty azaıtý úshin engizildi. Aqyly joldan túsken paıda oblystaǵy joldardy jóndeýge jumsalady. Bastapqyda aqsha tek júk kólikteriniń júrgizýshilerinen jınalady. Jol júrý quny kóliktiń júk kótergishtigine baılanysty bolady. Naqty tarıf quny áli talqylanady. Aldymen Qarjy mınıstrligine shyǵyp, tıisti qujattardy bekitemiz. Biraq jolǵa engiziletin baǵa Şýche-Býrabaıdaǵy joldan qymbat bolmaýy tıis», - dep atap ótti Andreı Gorvat.

Qostanaı oblysyndaǵy aqyly joldaryna shlagbaýmdar ornatylmaıdy. Munda tek arnaıy baqylaý kameralary qoıylady. Kameralar júk mashınalarynyń nómirlerin tirkeıdi, al joldy paıdalaný úshin tólemdi onlaın nemese qolma-qol aqshamen 2 bekette tóleýge bolady.