Qostanaı oblysynyń bastaýysh synyp oqýshylary «Bóbek» lagerine joldama aldy

NUR-SULTAN. QazAqparat – Qostanaı oblysynda órt saldarynan zardap shekken otbasylardyń balalary – bastaýysh synypta oqıtyn 31 oqýshy «Bóbek» respýblıkalyq oqý-saýyqtyrý ortalyǵyna joldama aldy. Bul týraly oqý-aǵartý mınıstrliginiń baspasóz qyzmeti málim etti, dep habarlaıdy QazAqparat.

«Buǵan deıin Şýchınskidegi «Baldáýren» oqý-saýyqtyrý lagerine 5-synyptan bastap oqýshylar bara bastaǵan bolatyn. Endi 3-4 synyp oqýshylaryn Almatydaǵy bastaýysh synyp oqýshylaryna baǵdarlanǵan «Bóbek» qabyldaı bastady. Balalar saýyqtyrý protsedýralaryn alyp, mektepke barady. Sondaı-aq, onda balalardyń bos ýaqytyn tıimdi ótkizý úshin is-sharalar uıymdastyrylady», - dedi Balalardyń quqyqtaryn qorǵaý komıteti tóraǵasynyń orynbasary Dýlat Jekebaev.

Qazir balalar Almatyda. Lagerde balalardyń bilim alýy jáne saýyqtyrý protsedýralary úshin barlyq jaǵdaı jasalǵan.

Eske salsaq, Qostanaı oblysynda órt jaǵdaıy turaqtalǵanǵa deıin 3 myńnan astam oqýshy onlaın oqıdy. Bul týraly óńirge barǵan oqý-aǵartý vıtse-mınıstri Ǵanı Beısembaev málimdegen edi.