Qostanaı oblysynyń barlyq mektebine beınebaqylaý kameralary qoıyldy
Qostanaı oblysynyń bilim basqarmasy 2021 jyly zamanaýı STEM zerthanalaryn satyp alý úshin 200 mln teńgeden astam qarajat bólindi. Josparǵa sáıkes oqýshylar ınjenerlik is, baǵdarlamalaý, 3D modeldeý, robototehnıka baǵyttary boıynsha qosymsha bilim alady. Jalpy sońǵy úsh jylda oblysta jalpy somasy 400 mln teńgege 74 IT synyp jáne 34 robot tehnıkasy kabıneti ashyldy, olardyń basym bóligin oblys metsenattary satyp alǵan bolatyn.
«Bıyl oblystyń mektepterin beınebaqylaý kameralarymen qamtamasyz etý jumystary tolyǵymen aıaqtaldy. Oǵan 187 mln teńge qarjy jumsaldy. Sonymen qatar ár mektepke arnaıy sanıtarlyq keshender qoıyldy. Onda antıseptık pen maska, qolǵap, tósenishter bar. Shalǵaı aýyldardan keletin oqýshylardy tasymaldaýdy uıymdastyrý máselesi kún tártibinen túsken joq. Búginde 2,5 myńnan astam bala mektepke arnaıy kóliktermen tasymaldanady. Avtokólik parkin jańartý jáne tolyqtyrý úshin úsh jyldyq jospar ázirlendi, onyń sheńberinde osy jyly 186 mln.teńgege 13 mektep avtobýsy satyp alyndy. 2021 jyly 242 taǵy 12 avtobýs satyp alý josparlanyp otyr. Jalpy 2021 jyly bilim berý uıymdarynyń materıaldyq-tehnıkalyq bazasyn nyǵaıtýǵa 5,6 mlrd.teńge baǵyttalady», - deıdi oblystyq bilim basqarmasynyń basshysy Záýre Báımenova.
Óńirde arnaıy bilim berý máselesi erekshe nazarda. Tuńǵysh Prezıdent qorynyń bastamasymen Rýdnyı qalasynda jáne Qarasý aýdanynda 2 ınklıýzııany qoldaý kabıneti ashyldy. Arqalyq jáne Rýdnyı qalalarynda psıhologııalyq-pedagogıkalyq túzeý kabınetteriniń qurylymdyq bólimsheleri jumysyn bastady.