Qostanaı oblysynyń barlyq mektebi jyldamdyǵy joǵary ınternetke qosyldy
«Qarasý aýdanynda 320 oryndyq mekteptiń qurylysy jalǵasýda. 2021 jyly Qarabalyq aýdanynyń Qarabalyq kentinde 320 oryndyq orta mektep jáne Qostanaı qalasynyń Bereke shaǵyn aýdanynda 980 oryndyq orta mekteptiń qurylysy bastalady. Elbasynyń Úshinshi áleýmettik bastamasyn iske asyrý aıasynda Qostanaı Joǵary medıtsınalyq kolledjine arnalǵan 250 oryndyq jataqhana paıdalanýǵa beriledi. Qostanaı avtomobıl kóligi kolledji janyndaǵy stýdentter úıi osy jyly qyzmetin bastaıdy», delingen basqarma aqparatynda.
Byltyr «Jas maman» jobasyn iske asyrý sheńberinde 3 kolledjdiń oqý-óndiristik bazasy jańartyldy, 2021 jyly oblystyń 7 kolledjin jańartý kózdelgen. Osy maqsatqa 3,1 mlrd. teńge bólindi.
Oblysta apatty jaǵdaıdaǵy bilim berý nysandary atqarýshy bıliktiń baqylaýynda. Osyndaı sanattaǵy obektilerdiń tizimi jasalyp, jóndeý jumystary júrgiziledi. 2020 jyly 133 bilim berý nysany qalypqa keldi.
«2021 jylǵa arnalǵan oblystyń bilim berý salasynyń bıýdjeti 9,2% - ke ósip, 125,9 mlrd. teńgeni qurady. 6 nysanǵa aǵymdaǵy jóndeý, 13 nysanǵa kúrdeli jóndeý júrgizilmek. Avtobýstardy, fızıka, hımııa, bıologııa boıynsha oqý kabınetterin, STEM-zerthanalardy, jıhaz, sport qural-jabdyqtaryn satyp alýǵa jáne mektep ǵımarattarynan qazandyqtardy shyǵarýǵa 2,5 mlrd.teńge qarastyryldy», dep habarlady basqarmanyń baspasóz qyzmeti.
«Tsıfrlyq Qazaqstan» baǵdarlamasyn iske asyrý sheńberinde oblystyń barlyq 489 mektebi joǵary jyldamdyqty ınternetke qosyldy. Sońǵy eki jylda metsenattardyń kómegimen óńirde 74 IT-synyby men 34 robototehnıka kabıneti ashyldy. Qashyqnan oqytýdyń sapaly jaǵdaılaryn jasaý úshin 21 myń kompıýter men 3 myń Wi-Fi roýterler3 satyp alyndy. Kompıýterler birinshi kezekte áleýmettik jaǵynan az qamtylǵan otbasylardyń balalaryna berildi.
Mektepke deıingi jáne orta bilim berý uıymdaryn beınebaqylaý júıelerimen qamtamasyz etý máselesi tolyq sheshilgen.