Qostanaı oblysynyń áleýmettik jobalaryna 3,7 mlrd teńge bólindi
Oblys ákiminiń baspasóz qyzmetinen málim etkendeı, memorandým aıasynda ERG tarapynan qarjylandyrylatyn áleýmettik mańyzdy jobalar sany artady. Nátıjesinde, óńirdiń damýyna jalpy somasy 3,7 mlrd teńge qosymsha qarajat jumsalady. 2018 jyly áleýmettik jobalarǵa 2,9 mlrd teńge ınvestıtsııa quıylǵan bolatyn.
Búgingi qujatqa ERG bas atqarýshy dırektorynyń birinshi orynbasary Aldııar Qaztaev pen Qostanaı oblysynyń ákimi Arhımed Muhambetov qol qoıdy.
Oblys ákiminiń sózinshe, Eýrazııalyq top óziniń kásiporyndary ornalasqan monoqalalarda keshendi áleýmettik zertteýler júrgizgen. Kompanııa qyzmetkerleri men osy eldi meken turǵyndary arasynda júrgizilgen saýalnama nátıjesi erekshe nazar aýdarýdy qajet etetin ózekti máselelerdi aıqyndap berdi. Osy áleýmettik zertteý negizinde QR Úkimeti bekitken aımaqtardy damytýdyń úshjyldyq baǵdarlamasy aıasynda júzege asyrylatyn mańyzdy áleýmettik jobalar ázirlenip, olardy júzege asyrý joldary usynylǵan. Olar respýblıkalyq jáne jergilikti bıýdjetpen qatar Eurasian Resources Group tarapynan da qarjylandyrylmaq.
Búgin qol qoıylǵan memorandým da osy áleýmettik zertteýler nátıjesi men úshjyldyq baǵdarlama negizinde ázirlengen. Qarajat Qostanaı oblysyndaǵy áleýmettik mańyzdy jobalarǵa, aımaqty áleýmettik-ekonomıkalyq damytýǵa, onyń ınfraqurylymyn, sonyń ishinde Eurasian Resources Group-tyń «Týǵan jer - Rodnye goroda» baǵdarlamasy aıasynda damytýdy kózdeıdi. Byltyrǵydaı memorandýmǵa ERG kásiporyndarynyń qyzmetkerleri usynǵan nysandar da engizilgen. Olardyń qatarynda Arqalyq qalasynda balalar oıyn alańdaryn ornatý, Lısakovsk qalalyq jaǵajaıyn abattandyrý syndy ERG Innovatorlarynyń ІІІ forýmynda jeńiske jetken jobalar bar.
«2019 jyly Top kásiporyndary ornalasqan Qashar men Oktıabr syndy shaǵyn eldi mekenderge erekshe kóńil bólinbek. Aýylishilik joldar men mádenıet úıleri jóndelip, sport alańdary ornatylady. Qazan aıyndaǵy joldaýy men «NUR OTAN» partııasynyń sezindeMemleket basshysy Nursultan Nazarbaev el turǵyndarynyń ómir sapasyn arttyrý kerektigin basa aıtty. Prezıdent eldiń turýǵa jaılylyǵy - qoljetimdi baspana, qaýipsiz aýla, turýǵa qolaıly ári jaıly ınfraqurylym ekenin udaıy aıtyp keledi. ERG Qazaqstanda jumys istep kele jatqan 25 jyl ishinde óz mıssııasyn buljytpaı saqtap, tek kompanııa qyzmetkerleri ǵana emes, kásiporyn ornalasqan óńirlerdiń turǵyndaryna da qamqorlyq jasap keledi. Top qarjylandyrǵan árbir joba qazaqstandyqtardyń ómir sapasyn arttyrýǵa baǵyttalǵan, - dedi ERG Dırektorlary keńesiniń tóraǵasy Aleksandr Mashkevıch.
Qarajat Rýdnyı qalasynyń jylý jelilerin kúrdeli jóndeýge, sondaı-aq qaladaǵy jolaýshylar tasymalyn jaqsartý úshin 7 avtobýs satyp alýǵa jumsalmaq. Lısakovsk qalalyq stadıony qaıta qalpyna keltirilip, Qashar kentiniń aýrýhanasyna 2 jedel járdem kóligi satyp alynady. Rýdnyıdyń qalalyq aýrýhanasyn tolyǵymen jabdyqtaý kózdelgen. Osy qaladaǵy balabaqshalar men mektepterdiń shatyryn jóndeý josparda bar. ERG balalarǵa sapaly bilim berý - ınvestıtsııanyń eń ozyq tásili ekenin eskere otyryp, Rýdnyı ındýstrıaldy ınstıtýty men Rýdnyıdaǵy taý-ken tehnologııa kolledji, qurylys jáne kólik kolledjderin, Lısakovsk qalasyndaǵy tehnıkalyq kolledjdiń materıaldy-tehnıkalyq bazasyn nyǵaıtý jobalaryn da qarjylandyrmaq.