Qostanaı oblysyndaǵy órttiń sebebi retinde birneshe nusqa qaralyp jatyr - ıÝrıı Ilın

ASTANA. QazAqparat – Tótenshe jaǵdaılar mınıstri ıÝrıı Ilın Úkimet kýlýarynda Qostanaı oblysyndaǵy órttiń yqtımal sebepterin atady, dep habarlaıdy QazAqparat tilshisi.

«Birneshe nusqa qaralyp jatyr. Onyń ishinde adam faktoryn da joqqa shyǵarmaımyz. Qazir prokýratýra qozǵalǵan qylmystyq is aıasynda birneshe bap boıynsha tergeý júrgizip jatyr – otty abaısyz paıdalaný, qasaqana órteý. Sondyqtan, naqty kináliler tergeý is-sharalary barysynda anyqtalady», - dedi ıÝrıı Iln.

BAQ ókilderi «orman órti snarıadtan tutanǵan» degen nusqa aıtylyp jatqanyn alǵa tartyp, onyń qanshalyqty negizdi ekenin surady.

«Ol aýdanda eshqandaı snarıad, eshqandaı oq atý bolǵan joq. Zańsyz altyn qazýshylar men aǵash kesýshiler týraly nusqalar qylmystyq ister aıasynda pysyqtalady. Orman sharýashylyǵy kimge, qansha aǵash kesýge ruqsat bergeni de anyqtalady. Osyny eskersek, bul jerde tabıǵattan tys faktor qaralyp otyr. «Qazgıdromet» málimeti boıynsha ol aýdanda naızaǵaı bolmaǵan. Sondyqtan, adam faktory bir nusqa retinde qarastyrylady. Tergeý qorytyndysy boıynsha aıqyndalady», - dedi mınıstr.