Qostanaı oblysyndaǵy órtti sóndirýge ásker jumyldyryldy

NUR-SULTAN. QazAqparat - Qorǵanys mınıstri general-polkovnık Rýslan Jaqsylyqovtyń nusqaýy boıynsha Qarýly kúshterdiń quramalary men bólimderiniń bólimsheleri Qostanaı oblysyndaǵy órti oqshaýlaý jónindegi is-sharalarǵa tartyldy.

Bul týraly QazAqparat QR Qorǵanys mınıstrliginiń baspasóz qyzmetine silteme jasap habarlaıdy.

Órt bolǵan jerge birinshi bolyp elordadan áskerı-kólik avıatsııasymen 120-dan astam desantshy, sondaı-aq halyqty evakýatsııalaýǵa kómek kórsetetin jergilikti aýmaqtyq qorǵanys brıgadasynyń turaqty quramynyń 45 áskerı qyzmetshisi keldi.

Órtti joıýǵa kóptegen mamandar men áskerı tehnıka tartyldy.

Shyǵys óńirlik qolbasshylyǵynan 31 birlik arnaıy tehnıka men 38 áskerı qyzmetshi jiberildi. Qostanaı oblysyna Astana óńirlik qolbasshylyǵynan shamamen 10 arnaıy tehnıka jóneltildi.

Áskerı-áýe kúshteri materıaldyq quraldar men jeke quramdy daǵdarys aýdanyna aýystyrý úshin áskerı-kólik avıatsııasyn, sondaı-aq arnaıy aspadaǵy órt sóndirý júıeleri bar 4 kóliktik-jaýyngerlik tikushaqty jumyldyrdy.

«Qarýly kúshterdiń bólimsheleri jedel shtabpen turaqty baılanysta bolady»,-delingen habarlamada.