Qostanaı oblysyndaǵy órtke baılanysty kúrdeli ahýal turaqtandy - ıÝrıı Ilın

NUR-SULTAN. QazAqparat - QR Premer-Mınıstri Álıhan Smaıylov Qostanaı jáne basqa oblystardaǵy tabıǵı órtterdiń saldaryn joıý, sondaı-aq Tótenshe jaǵdaılar mınıstrliginiń bólimsheleri men qyzmetterin materıaldyq-tehnıkalyq jaraqtandyrý máseleleri jónindegi keńes ótkizdi. Bul týraly QazAqparat Úkimettiń baspasóz qyzmetine silteme jasap habarlaıdy.

Álıhan Smaıylov tótenshe jaǵdaılarǵa daıyndyqty tolyq tekserýdi tapsyrdy

TJM basshysy ıÝrıı Ilın búgingi tańda Qostanaı oblysyndaǵy órtke baılanysty kúrdeli ahýal turaqtanǵanyn aıtty. Mınıstrdiń sózinshe, eldi mekenderge qaýip tónip turǵan joq. Qyzyl jalynnyń beti qaıtty, jeke oqshaýlanǵan aımaqtardaǵy órt sóndirilip jatyr. Búgingi tańda evakýatsııalanǵan azamattardyń kóbi úılerine oraldy. Sonymen qatar birqatar basqa óńirde órt sóndirý jumystary jalǵasyp jatyr, bul jumysqa TJM men ákimdikter kúshteri men qarajaty jumyldyryldy.

Premer-Mınıstr jaýapty memlekettik organdardyń tótenshe jaǵdaılarǵa daıyndyǵyna tolyq tekserý júrgizý qajettigin atap ótti.

«Qostanaı oblysyndaǵy órt azamattyq qorǵaý organdaryn, tabıǵatty qorǵaý jáne orman mekemelerin materıaldyq-tehnıkalyq jaraqtandyrý máselelerin jedel sheship, habarlandyrý júıesin jańǵyrtý qajettigin kórsetti», — dedi Álıhan Smaıylov.

Sonymen qatar Premer-Mınıstr barlyq óńirlerdegi azamattyq qorǵaý organdary qyzmetkerleriniń jalaqysyn kóbeıtý jáne basqa da áleýmettik qoldaý sharalaryn, sondaı-aq Qostanaı oblysyndaǵy órtti sóndiýrge qatysqan qyzmetkerlerge syıaqy berý máselelerin pysyqtaýdy tapsyrdy.

Úkimet basshysynyń oıynsha, jaýapty memlekettik organdar iri TJ joıý kezindegi áreket pen ózara is-qımyl algorıtmderin qaıta qaraýy qajet.

«Oblystaǵy órt kezinde jaýapty laýazymdy tulǵalar tıisinshe jáne ýaqytyly áreket etpedi. Osy jaǵdaı boıynsha qorytyndy jasaý kerek. Kináliler jazalanýy tıis», — dedi Álıhan Smaıylov.

Óz kezeginde ındýstrııa jáne ınfraqurylymdyq damý mınıstri Qaıyrbek Óskenbaev Áýlıekól aýylynda baspanasyz qalǵan azamattarǵa arnap 91 jańa úı salý úshin 12 ga jer ýchaskesi bólingenin habarlady. Jalpy alańy 100 sharshy metr bolatyn bir qabatty turǵyn úıler salynady. Jer ýchaskelerine qajetti ınfraqurylym (sý, gaz, elektrmen jabdyqtaý) jáne kirme joldar salynady. 12 jergilikti merdigerlik uıym qurylys-montaj jumystaryn bastady.

«Qysqa deıin adamdar úılerine kirip úlgerýi úshin bul jumysty jyldam aıaqtaý kerek», — dedi Álıhan Smaıylov.

Sonymen qatar Premer-Mınıstr orman alqabyn qalpyna keltirý jumystaryn júrgizýdi jáne orman sharýashylyǵy qyzmetkerleriniń jalaqysyn arttyrý máselesin qaraýdy tapsyrdy.

Odan bólek, Premer-Mınıstr orman sharýashylyǵy qyzmetkerleriniń jalaqysyn arttyrý boıynsha usynysty qoldap, sondaı-aq orman alqabyn qalpyna keltirý boıynsha birqatar tapsyrma berdi.

Foto:primeminister.kz