Qostanaı oblysyndaǵy órtenip ketken aýylda jańa balabaqsha boı kóteredi

QOSTANAI. QazAqparat – Áýlıekólde baspanasy órtenip ketken aýyl turǵyndaryna salynatyn úılerdiń mańynan 280 oryndyq jańa balabaqsha boı kóteredi. Bul týraly óńir ákimdigi janynan qurylǵan aqparat shtabynan málim etti, dep habarlaıdy QazAqparat tilshisi.

«Qostanaı oblysynyń Áýlıekól aýdanynda orman órtinen zardap shekkenderge 91 jańa úı salý josparlanyp otyrǵan aýdanda 280 oryndyq jańa balabaqsha salynady. Onyń qurylysyna «Halyq» qaıyrymdylyq qory 1,3 mlrd teńge bóldi. Qurylys jaqyn arada bastalyp, kelesi jyly jańa balabaqsha kishkentaı búldirshinderdi qabyldaýǵa daıyn bolady», - delingen aqparattyq shtab taratqan habarlamada.

Búgin Qostanaıdaǵy orman órtinen zardap shekkenderge arnalǵan úılerdiń qurylysy bastaldy.

Ol úshin qazirgi tańda ýchaske bólinip, qajetti tehnıka ákelingen. Onda árqaısysynyń aýmaǵy 100 sharshy metr bolatyn 91 úı salý josparlanǵan.