Qostanaı oblysyndaǵy órt kezinde 8 adam joǵalyp ketti – polıtsııa

QOSTANAI. QazAqparat – Áýlıekól aýdanyndaǵy órt kezinde jalpy 8 adam joǵalyp, búginde onyń jeteýi tabyldy. Bul týraly Óńirlik kommýnıkatsııalar qyzmetinde ótken brıfıngide Qostanaı oblysy polıtsııa departamenti bastyǵynyń orynbasary Dúısembaı Baıbosynov aıtty, dep habarlaıdy QazAqparat tilshisi.

«Áýlıekól aýdanyndaǵy órt kezinde jalpy 8 adam joǵaldy. Onyń jeteýi tabyldy. Al 1 adam áli izdestirilip jatyr. Ol 56 jastaǵy Amanqaraǵaı aýylynyń turǵyny. Іzdestirý nátıjeleri boıynsha qosymsha habarlaıtyn bolamyz.

Jalpy búgingi kezeńge Іshki ister organdarynyń tıisti bólimsheleri men oblystyq prokýratýra birlesip, vedmostvoaralyq komıssııa qurdy. Olar órttiń shyǵý sebebin anyqtaýmen aınalysyp jatyr. 3 qylmystyq is qozǵaldy. Órtke sebep bolýy múmkin ártúrli nusqalardy qarastyryp jatyrmyz», - dedi Dúısembaı Baıbosynov.

Onyń aıtýy boıynsha, órt kezinde kóz jumǵan 88 jastaǵy turǵynnyń ólimine qatysty qyzmettik tergeý júrgizilip jatyr.

Eske salaıyq, Qostanaı oblysyna qarasty Áýlıekól aýdanyndaǵy órt saldarynan 2091 adam evakýatsııalanyp, 12 turǵyn túrli jaraqat alǵan.