Qostanaı oblysyndaǵy nysandarǵa «Ashyq» jobasyna qatysýǵa ruqsat berildi

NUR-SULTAN. QazAqparat – Qostanaı oblysynyń bas memlekettik sanıtarlyq dárigeri E. Daýletbaev óńirdegi kásipkerlik nysandaryna «Ashyq» jobasyn engizý týraly qaýly jarııalady, dep habarlaıdy QazAqparat.

Qujatta fıtnes-klýbtar, spa-ortalyqtar, kompıýterlik klýbtar, boýlıng jáne bılıard klýbtary, kınoteatrlar, teatrlar men fılarmonııalar, qoǵamdyq tamaqtaný nysandary, oblysaralyq jáne qalalyq týrıstik tasymaldar, kontsert zaldary, karaoke nysandaryna «Ashyq» jobasyna qatysýǵa ruqsat berilgen.

Sondaı-aq, halyqty, jeke jáne zańdy tulǵalardy pılot jobasyna qatysýshylardyń kásipkerlik nysandaryna kirýi úshin AppStore jáne Play Market-te júkteýge qoljetimdi «Ashyq» mobıldi qosymshasyn paıdalaný qajettigi týraly habardar etý, ákimdikterdiń saıtynda «Ashyq» jobasyna qatysýshylar týraly, onyń ishinde erikti qatysýshylar týraly aqparat salý kerektigi jazylǵan.

Aýdandar men qalalar ákimderine, Qostanaı oblysy polıtsııa departamentiniń bastyǵyna «Ashyq» jobasyna qatysatyn obektilerdi monıtorıngpen qamtýdy qamtamasyz etý jáne qalanyń mobıldi monıtorıngtik toptary men Biryńǵaı úılestirý ortalyǵynyń jumysyn kúsheıtý tapsyrylǵan.

Qaýly qosymshasynda Qostanaı oblysyndaǵy «Ashyq» jobasyna qatysatyn kásipkerlik nysandardyń jumysyn shekteý jáne ruqsat etý ólshemderi kórsetilgen.