Qostanaı oblysyndaǵy Naberejnyı aýyldyq okrýgine qazaqsha ataý berilmek

QOSTANAI. QazAqparat – Qostanaı oblysyna qarasty Beıimbet Maılın aýdanyndaǵy Naberejnyı aýyldyq okrýgi men Elızavetınka aýylynyń ataýy ózgerýi múmkin. Bul týraly óńir ákimdiginiń qaýlysy men máslıhattyń birlesken sheshim qujatynda jazylǵan, dep habarlaıdy QazAqparat tilshisi.

«Qostanaı oblysy Beıimbet Maılın aýdanynyń Naberejnyı aýyldyq okrýgi Baıshýaq aýyldyq okrýgi, Beıimbet Maılın aýdany Naberejnyı aýyldyq okrýginiń Elızavetınka aýyly Baıshýaq aýyly bolyp atalsyn», - delingen birlesken shishimde.

Qujat 1 aqpanǵa deıin kópshilik talqylaýda bolady.

Qosa keteıik, buǵan deıin Aqmola oblysynyń Býrabaı aýdanyna qarasty Krasnyı kordon aýylynyń ataýy Aqqaıyń bolyp ózgertilgen edi.

Sonymen qatar Batys Qazaqstan oblysyndaǵy Novopavlovka aýyldyq okrýgine Qumaqsaı ataýy berilgen bolatyn.