Qostanaı oblysyndaǵy monoqalalarǵa 10 mlrd teńge bólinedi

ASTANA. QazAqparat - Aımaqtar «Nur Otan» partııasynyń XVIII sezinde aıtylǵan Elbasy tapsyrmalaryn oryndaýǵa kirisip ketti. Partııanyń Qostanaı oblystyq fılıaly Saıası keńesiniń keńeıtilgen otyrysynda Arqalyq, Lısakov, Rýdnyı jáne Jitiqara qalalary Ulttyq ekonomıka mınıstrligi tarapynan qarjylandyrylatyny aıtyldy, dep habarlaıdy QazAqparat partııanyń baspasóz qyzmetine silteme jasap.

Sonymen, aǵymdaǵy jyly Lısakov pen Rýdnyıdaǵy​ jylý jáne magıstral torabyn qaıta qurýǵa 500 mln teńge bólinedi.

«Jyl saıyn monoqalalarǵa bólinetin 10 mlrd teńge - bul barynsha qomaqty soma. Tek bul aqshanyń qanshalyqty tıimdi jumsalatyny jáne onyń jańa kásiporyndar qurylysy, jańa jumys oryndaryn ashý, bıznes-jobalardy qarjylandyrý arqyly halyqqa deıin naqty jetýi bıliktiń jergilikti atqarýshy organdaryna ǵana baılanysty bolady», - dep atap ótti ​«Nur Otan» partııasy Qostanaı oblystyq qoǵamdyq keńesiniń múshesi Gúlmıra Qapenova.

Qoǵamdyq keńes músheleri sondaı-aq, memleket kórsetip otyrǵan áleýmettik qoldaýǵa muqtaj azamattar týraly sóz qozǵady.

Partııalyqtar áleýmettik kómek kórsetý boıynsha krıterıılerdiń ózgerýine baılanysty, bir ǵana Qostanaı oblysynyń ózinde áleýmettik kómekke 20​ 000-nan astam adam qol jetkizetindigin alǵa tartty. Orta eseppen aımaqta aıyna bir balaǵa kómek mólsheri ​ ​ 4 706 teńgeden ​ ​ 20 789 teńgege deıin nemese 4,4 esege deıin ulǵaıady. Odan basqa, densaýlyq saqtaý salasynda aıtarlyqtaı ilgerileýler de josparlanyp otyr. 15 myńnan astam medıtsına salasynyń qyzmetkerleriniń jalaqylary artatyn bolady. ​

«Oblysta 2022 jylǵa deıin emhanalardy qarjylandyrýdy 12,7 mlrd teńgeden 25 mlrd teńgege deıin ulǵaıtý josparlanyp otyr. Bul medıtsınalyq kómek kórsetý sapasyn arttyryp, kúndizgi statsıonarlar men dıagnostıkalaý jumysyn jaqsarta túsedi», ​ - dedi Qostanaı oblystyq densaýlyq saqtaý basqarmasynyń basshysy ​​Vıacheslav Dýdnık.

Jalpy, «Nur Otan» partııasynyń XVIII sezi qoıylǵan máselelerdiń ózgesheligi jáne aýqymy boıynsha tarıhı sıpatqa ıe boldy.