Qostanaı oblysyndaǵy dala órtin búgin-erteń tolyq sóndiremiz – ıÝrıı Ilın

NUR-SULTAN. QazAqparat – QR Tótenshe jaǵdaılar mınıstri ıÝrıı Ilın Qostanaı oblysyndaǵy órtpen kúres barysynan málimet berdi, dep habarlaıdy QazAqparat tilshisi.

«Jel kóterilip, órt odan saıyn órship ketti. Eldimeken turǵyndary evakýatsııalandy. Dál qazir aýyldarǵa qaýip joq. Tilsiz jaýmen kúreste jer jáne áýe qyzmeti qosa jumys istep jatyr. Tórt birdeı tikushaq iske qosyldy», - dedi ıÝrıı Ilın tilshilerdiń suraǵyna jaýap bere turyp.

Mınıstrdiń aıtýynsha, Qostanaı oblysyndaǵy órtpen kúreste birneshe quzyrly memlekettik organ jumyla jumys istep jatyr.

«Órttiń aýmaǵy birneshe ondaǵan gektardy quraıdy. Qarqyndy jumystyń arqasynda tilsiz jaýdyń betin qaıtaramyz degen oıdamyn. Amanqaraǵaı eldimekeni erekshe nazarda, órttiń qaıta tutanbaýyn arnaıy qyzmet qadaǵalap otyr. Sebebi jeldiń beti qaıtpaı tur. Búgin, erteń órtti tolyq sóndiremiz dep otyrmyz. Odan ári orman sharýashylyǵy komıtetiniń qyzmetkerleri jaǵdaıdy baqylaıdy», - deıdi ol.

Eske salsaq, Qostanaı oblysynda 2 qyrkúıekten bastap órtpen kúres júrip jatyr.

Aıta keteıik, Memleket basshysy Qasym-Jomart Toqaev Qostanaı oblysynda orman órtinen zardap shekkendermen kezdesken edi.