Qostanaı oblysyndaǵy aýylda bolǵan órtten ana men bala qaza tapty
Olardyń máıitteri órt sóndirý kezinde tabyldy. Bul derekke TJD men oblystyq polıtsııa departamenti túsinikteme berdi, dep habarlaıdy QazAqparat tilshisi.
Qostanaı oblysy TJD baspasóz qyzmetiniń habarlaýynsha, órt sóndirýshiler 26 qańtar kúni saǵat 09:09-da shaqyrylǵan. Jer úı órtendi.
«Saǵat 09:17-de órt sóndirýshiler oqıǵa ornyna keldi. Qutqarýshylar 15 sharshy metrdi quraıtyn qonaq bólmedegi jıhazdyń barlyǵy janyp ketkenin anyqtady. Úıden gaz ballony shyǵaryldy. Órt saldarynan 34 jastaǵy áıel men onyń alty jasar uly qaza tapty», - dep habarlady TJD.
Órttiń shyǵý sebebi anyqtalyp jatyr. Qazirgi ýaqytta órt ornynda zerthana qyzmetkerleri jumys istep jatyr.
Bul fakti boıynsha polıtseıler máıitterdiń tabylýy boıynsha sotqa deıingi tergeý bastalǵanyn ǵana habarlady.
Janna Musabaeva