Qostanaı oblysyndaǵy aýrýhana órti sóndirildi
09:25, 10 Qarasha 2020
NUR-SULTAN.QazAqparat - Qostanaı oblysy Fedorov aýylyndaǵy aýdandyq aýrýhana órti sóndirildi. Bul týraly QR TJM resmı ókili Talǵat Ýálı málimdedi, dep habarlaıdy QazAqparat tilshisi.
«Qostanaı oblysy TJD qutqarýshylary Fedorov aýdandyq aýrýhanasyndaǵy órtti sóndirýge bes saǵattan astam ýaqyt jumsady. Tek saǵat 00:10-da oqıǵa ornyndaǵy jumys aıaqtaldy», - dedi Talǵat Ýálı.
Vedomstvonyń málimetinshe, órtke qarsy kúreske Qostanaı oblysy TJD Órt sóndirý qyzmetiniń 45 qyzmetkeri men 12 tehnıkasy jumyldyryldy. Aldyn ala málimetter boıynsha órttiń jalpy aýdany 800 sharshy metrdi qurady. Oqıǵa saldarynan eshkim zardap shekken joq.
Eske salsaq , Qostanaı oblysynyń Fedorov aýdanynda aýrýhana órtenip, patsıentter evakýatsııalandy.