Qostanaı oblysyndaǵy aýdandyq aýrýhana órtendi
09:11, 10 Qarasha 2020
QOSTANAI. QazAqparat – Qostanaı oblysyndaǵy Fedorov aýdandyq aýrýhanasynyń shatyrynan shyqqan órt bes saǵattan soń sóndirildi, dep habarlaıdy QazAqparat QR TJM baspasóz qyzmetine silteme jasap.
Túngi saǵat 00.10-da ǵana oqıǵa ornyndaǵy sóndirý jumystary tolyǵymen aıaqtalǵan. Órtke qarsy kúreske Qostanaı oblysy TJD Órt sóndirý qyzmetiniń 45 qyzmetkeri jáne 12 birlik tehnıka tartyldy.
«Aldyn ala málimetter boıynsha órttiń jalpy aýdany 800 sharshy metrdi qurady. Oqıǵanyń sebebin TJD Órt sóndirý zerthanasynyń mamandary anyqtaıdy. Oqıǵa saldarynan eshkim zardap shekken joq», - delingen habarlamada.