Qostanaı oblysynda jylý baǵasy arzandaıdy

QOSTANAI. QazAqparat – Qostanaıda jylý tarıfi aqpan aıynan bastap tómendeıdi. Bul týraly oblystyq Tabıǵı monopolııalardy retteý departamentiniń mamandary málimet berdi, dep habarlaıdy QazAqparat tilshisi.

Tabıǵı monopolııalardy retteý departamentiniń basshysy Aqan Tashpanovtyń aıtýynsha, jylýmen jabdyqtaý qyzmetiniń baǵasy qazirgiden 8 paıyzǵa arzan bolmaq. Negizi ótken jyldyń tamyz aıynda «Qostanaı jylý-energetıkalyq kompanııasy» JShS jylýmen jabdyqtaý qyzmetiniń baǵasyn 6,4 paıyzǵa arttyrýdy suraǵan. Alaıda monopolıster jylý tarıfin ósirýge qarsy shyqty.

«Qostanaı jylý-energetıkalyq kompanııasy jylý júıesiniń bes jyldyq tarıfiniń aıaqtalǵanyn alǵa tartyp, baǵany qymbattatýǵa ótinim bergen bolatyn. Olardyń usynǵan jobasy boıynsha tarıf qosymsha qun salyǵynsyz 7 myń 578 teńgege jetedi. Bizdiń departament kommýnaldyq tarıfterdiń durys esepteýin qadaǵalaıdy. Osyǵan baılanysty biz jylýmen jabdyqtaý júıesiniń baǵasyn 2018 jylǵy tarıfke sáıkestendirip otyrmyz. Tabıǵı monopolııalardy retteý departamenti Qostanaı jylý-energetıkalyq kompanııasynyń ótinimin qarap, 2021jylǵa arnalǵan ortasha ótkizý tarıfiniń shekti deńgeıin bekitti. Jylý baǵasy aqpan aıynan bastap tómendep, qosymsha qun salǵynsyz 6 970 teńge bolady», - deıdi departament basshysy.

Aqan Tashpanov aıtqandaı, jylý tarıfi tómendegen soń oblys kásiporyndarynyń jylýǵa jumsaıtyn qarajaty 2 mlrd teńgege tómendemek.