Qostanaı oblysynda jylan shaqqan bala jansaqtaý bóliminde jatyr

QOSTANA I. QazAqparat – Otbasymen tabıǵat aıasyna demalýǵa shyqqan 13 jastaǵy jasóspirimdi jylan shaǵyp aldy, dep habarlaıdy QazAqparat Kstnews.kz saıtyna silteme jasap.

Ata-anasy qyzdyń jarasyn tańyp, dári bergen. Al 24 shilde kúni tańerteń balalar oblystyq aýrýhanasynyń jaraqat bólimine júgingen.

Jylan balanyń oń qolynyń saýsaǵynan shaqqan.

«Ol jerde nekroz paıda bolyp, qoly men oń jaq keýde tusy tolyq isinip ketken. Osyǵan baılanysty shyntaǵyn búge almaǵan», - dep túsindirdi oblystyq balalar aýrýhanasynyń bas dárigeri Nurlan Erjanov.

Bala jansaqtaý bólimine jatqyzyldy. Birden jylannyń ýyna qarsy sarysý, gangrenaǵa qarsy sarysý egildi, sondaı-aq bakterııaǵa qarsy jáne ýyttylyqqa qarsy terapııa júrgizildi.

«Qyzdyń jaǵdaıy aýyr, turaqty. Іsik basylyp keledi. Qozǵalys dınamıkasy tolyq qalpyna keldi. Biz oń dınamıka bolady dep úmittenemiz. Qyz bala áli jansaqtaý bóliminde jáne qarqyndy terapııa alyp jatyr», - dedi N.erjanov.

Óńirde jylan shaǵý jaǵdaılary sırek kezdesedi, dep atap ótti travmatologııa pýnktinen.