Qostanaı oblysynda jyl basynan beri 115 jol-kólik oqıǵasy boldy

QOSTANAI. QazAqparat – Osy jyldyń basynan bastap Qostanaı oblysynda 115 jol-kólik oqıǵasy boldy. Olardyń 14-i sońǵy 10 kún ishinde bolǵan, dep habarlaıdy QazAqparat tilshisi.

Oblystyq polıtsııa departamentiniń ókili, JPQB bastyǵy orynbasary Vıtalıı Tsoı brıfıngte jyl basynan beri oblysta 115 jol-kólik oqıǵasynyń bolǵanyn aıtty.

«Olardyń altaýy balalardyń qatysýymen bolǵan. 27 adam qaıtys bolǵan, olardyń úsheýi – bala. 140 adam túrli dárejedegi dene jaraqattaryn alǵan, olardyń altaýy kámelettik jasqa tolmaǵan. Shilde aıynyń 10 kúniniń ishinde 14 jol-kólik oqıǵasy boldy, saldarynan 6 adam qaıtys bolyp, 10 adam dene jaraqattaryn alǵan», - dedi V. Tsoı.

Osyǵan baılanysty polıtsııa júrgizýshilerdi jolda muqııat bolyp, júrgizýshilerge jyldamdyq rejımin saqtaýǵa shaqyrdy.