Qostanaı oblysynda jol apatynan eki adam mert boldy
13:27, 17 Jeltoqsan 2022
ASTANA. QazAqparat - Búgin saǵat 10:30 shamasynda Qostanaı-Qarabutaq avtojolynyń 275-shaqyrymynda jeńil avtokólik júrgizýshisi rólge ıe bola almaı joldyń qarsy jolaǵyna shyǵyp ketken. Sonyń saldarynan «Gazel» avtokóligimen soqtyǵysyp, keıin eki kólik órtenip ketti.
Polisia.kz saıtynyń habarlaýynsha, jeńil avtokólik júrgizýshisi men jolaýshy oqıǵa ornynda qaza tapty.
«Gazel» júrgizýshisi aýrýhanaǵa jetkizildi. Qamysty aýdandyq polıtsııa bóliminiń bastyǵy Erlan Mýsınniń aıtýynsha, qazirgi ýaqytta polıtsııa QR QK-niń 345-babynda kózdelgen «Jol erejesin buzý» áreketi boıynsha sotqa deıingi tergeýdi bastady. Qajetti tergeý áreketteri júrgizilip, saraptamalar taǵaıyndalady.
«Qostanaı oblysynyń polıtsııasy jol qozǵalysyna qatysýshylardy qaýipsizdik erejelerin, jol qozǵalysyn, ásirese jyldamdyq tártibin saqtaý qajettigi týraly eskertedi!»,-delingen habarlamada.
Foto: polisia.kz