Qostanaı oblysynda jol apatynan eki adam kóz jumyp, tórt adam zardap shekti
Búgin tańǵy saǵat 05:30 shamasynda Rýdnyı-Qostanaı avtojolynda 29 jastaǵy mas júrgizýshisi BMW markaly kóligin basqara almaı, joldyń qarsy betine shyǵyp, 31 jastaǵy júrgizýshi basqaryp otyrǵan Audi avtokóligimen soqtyǵysty. Jol-kólik oqıǵasynyń saldarynan BMW júrgizýshisi men bir jolaýshy túrli jaraqat alyp, aýrýhanaǵa jatqyzyzyldy.
Audi júrgizýshisi men bir jolaýshysy sol jerde kóz jumdy, taǵy eki jolaýshy aýrýhanaǵa jatqyzyldy.
Osy fakti boıynsha Rýdnyı qalasynyń polıtsııa basqarmasy QR QK-nyń 345-baby 4-bólimine sáıkes sotqa deıingi tergeýdi bastady.
«BMW júrgizýshisi Rýdnyı qalasynyń ýaqytsha ustaý ızolıatoryna qamaldy. Qostanaı oblysynyń polıtsııa departamenti júrgizýshilerdi jolda júrý erejelerin qatań saqtaýǵa shaqyrady. Jyldyń basynan beri 1 400 júrgizýshi mas kúıde kólik aıdaǵan, 87 júrgizýshi kólik júrgizý quqyǵynan aıyrylǵan bolyp shyqty. Olarǵa qatysty QR QK-nyń 346-baby boıynsha qylmystyq is qozǵalǵan», delingen habarlamada.
Sýret: ng.kz