Qostanaı oblysynda jaıaý júrginshini KamAZ qaǵyp ketti

QOSTANAI. QazAqparat – Qostanaı oblysynda 48 jastaǵy er adamdy júk kóligi qaǵyp ketti, dep habarlaıdy QazAqparat.

Oblystyq polıtsııa departartamentiniń aqparatyna súıensek, oqıǵa keshe Qostanaı qalasyndaǵy Qobylandy batyr kóshesinde bolǵan.

Retteletin jaıaý júrginshiler jolaǵynda «KamAz» júk kóliginiń 37 jastaǵy júrgizýshisi 48 jastaǵy er adamdy qaǵyp ketken.

«Júk kóligi Kýrganskaıa kóshesiniń jaǵynan qala ortalyǵyna qaraı kele jatqan. Zardap shekken oblys ortalyǵynyń turǵyny dene jaraqatymen aýrýhanaǵa jatqyzyldy» delingen polıtsııa aqparatynda.

Qazir jol-kólik oqıǵasy boıynsha sheshim qabyldaý úshin bastapqy materıaldar jınaldy.

Tekserý sharalary bastaldy.