Qostanaı oblysynda janýarlardy qorǵaıtyn 23 mobıldi top quryldy

QOSTANAI. QazAqparat – Qostanaı oblysynda polıtseıleri «Aqbóken» jedel aldyn alý sharasy aıasynda tabıǵatty qorǵaý zańnamasyn buzýdyń 50 deregin anyqtady, dep habarlaıdy QazAqparat tilshisi.

Osy jyldyń jeltoqsan aıynda tabıǵatty qorǵaý polıtsııasynyń qyzmetkerleri janýarlardy qorǵaý ınspektorlarymen birlesip, reıdtik is-sharalar ótkizdi. Óńirde janýarlardy qorǵaıtyn 23 mobıldi top quryldy. Arnaıy toptar tabıǵatty qorǵaý uıymdarymen kún saıyn reıdke shyǵady.

Qostanaı oblysy PD jergilikti polıtsııa qyzmeti basqarmasynyń tabıǵatty qorǵaý polıtsııasynyń bastyǵy Talǵat Ahmetovtyń aıtýynsha, bir aıda 376 reıd ótkizilgen. Nátıjesinde tabıǵatty qorǵaý zańnamasyn buzýdyń 50 deregi anyqtaldy. Onyń ishinde 40 adam zańsyz ań aýlaǵan, al 10 balyqshynyń ruqsat qaǵazy bolmaǵan. Brakonerlerge aıyppul salynyp, jaýapqa tartyldy.